PRÈGO DI
PASTRE À L'ENFANT DIÉU.
O bèl
Enfantoun adourable,
Na dins un
miserous estable,
Mau-grat toun
desprouvesimen
Siés Fiéu de
Diéu, l'Ounnipoutènt.
Coume li rèire
tèms passa
Fisançous,
venèn t'adoura
E te rèndre
nòstis oumage,
Tu que de pas
portes message.
Umblamen
t'óufrèn nòsti cor.
Pièi Jèsu,
sian tóuti d'acord
Pèr te demanda
toun ajudo
Dedins nòsti
lòngui batudo.
Pèr apara
noste terraire
Dis ambicioun
di counquistaire,
Manteni nòsti
tradicioun
E nosto
civilisacioun.
Quàuqui mescresènt
saberu
Pretèndon se
passa de Tu,
Ai! las,
vesènt li counsequènci
D'aquéli
pàuris ignourènci.
Adounc, fai
que vèngon sena
Li que soun
pèr nous gouverna,
Pèr fin de bèn
teni d’à ment
La Franço e
soun gouvernamen.
À Tu fisan
nòsti famiho,
E Prouvènço,
nosto patrìo,
Douno ta lus i
bèu jouvènt
Contro li mau
que van courrènt.
Douno-nous de
bèus agnelage,
Emai
d'aboundous pasturgage
Pèr bèn abari
noste avé
E viéure de
noste mestié.
Quand vendra
l'ouro dóu tremount,
Diéu bon,
alargo lou perdoun
Dis errour de
nòsti pecat,
Pèr fin de
pousqué te canta
Amoundaut pèr
l'eternita.
Ansin
siegue, o bon Jèsu.
(pèr
Calèndo de l'an de gràci 1991)